2025 жылғы 12 тамызда №54 балабақшада «Таза ел – мәңгі ел» атты эко сағат өтті. №4 көпшілік кітапханасының ұйымдастыруымен өткен бұл шараның мақсаты – мектепке дейінгі балалардың экологиялық мәдениетін қалыптастыру болды.Кітапханашы бүлдіршіндерге экологияға арналған энциклопедиялар, ертегілер, табиғат пен қоқысты қайта өңдеу туралы танымдық кітаптар қойылған кітап көрмесін таныстырды. Адамның қоршаған ортаға әсері туралы басылымдарға, мысалы, ластану қаупі төніп тұрған сирек жануарлар жайлы кітапқа ерекше назар аударылды. Сондай-ақ балалармен бақта, үйде, көшеде және орманда тазалықтың маңыздылығы жөнінде әңгіме жүргізілді. Олар қоқыстың жануарлар мен өсімдіктерге қалай зиян келтіретінін талқылап, пластик пакеттер мен уланған тағамдар мысалын келтірді. Шара соңында балалар табиғатты аялау тақырыбында плакаттар салып, өз ойларын бейнеледі. Іс-шара достық атмосферада өтіп, балаларда экологияға деген қызығушылық пен жерді қорғауға деген ниет оятты.
