Қазақстан Республикасының Конституциясы күніне арналған мемлекеттік мереке қарсаңында №54 балабақшасының даярлық тобының тәрбиеленушілері үшін №4 көпшілік кітапханасы «Ұлы Заң еліне саяхат» тақырыбында құқықтық сабақ өткізді. Іс-шара аясында: Кітапханашы балаларға мереке тарихы мен Конституцияның елдің басты заңы ретіндегі маңызы туралы түсінікті әрі ойын түрінде айтып берді. Балалар «Ұлы Заң еліне саяхатқа» аттанып, келесі аялдамаларға тоқтады: «Құқықтық» аялдамасы — балалар әр адамның аты-жөні, отбасы, білім алу және т.б. құқықтары бар екенін білді. «Міндеттер» аялдамасы — балалар ережелерді сақтау және өзгелерге құрметпен қарау неге маңызды екенін талқылады. «Заң және тәртіп» аялдамасы — бүлдіршіндер мемлекеттік рәміздермен: Ту, Елтаңба, Әнұранмен танысты. Қазақстан Республикасының Әнұранын орындап, Конституция туралы өлеңді жатқа айтты.
