11 шілде күні №2 Балалар кітапханасында «Сурет не туралы әңгімелейді?» атты кітапханалық сабақ өтті. Іс-шараға №25 жалпы орта білім беру мектебінің жазғы лагерь тәрбиеленушілері қатысты. Сабақ барысында балаларға түрлі суреттер ұсынылып, сол бойынша сұрақтар қойылды. Оқушылар өз қиялдарына сүйене отырып, *шағын әңгімелер құрастырып*, сурет мазмұнын ашуға тырысты. Бұл жұмыс балалардың *байқағыштығын, тіл байлығын және шығармашылық ойлау қабілетін дамытуға бағытталды. Кітапханалық сабақ жылы әрі қызықты атмосферада өтіп, балаларға ұмытылмас әсер сыйлады.
