4 ақпанда 4 «Б» сынып оқушылары үшін қазақтың ұлы жазушысы, публицисті, прозашысы, аудармашысы, қоғам қайраткері Мұхтар Мағауиннің 85 жылдығына орай «Мұхтар Магауин — Ұлы Дала дауысы» әдеби қонақжай өтті. Шара Құрманғазының «Сарыарқа» күйімен ашылды. Одан кейін кітапханашылар слайд-презентация аясында «Жазушының өмірбаяны» тақырыбында баяндама жасап, болашақ жазушының өмір жолындағы негізгі кезеңдермен таныстырды. Оқушы кезі, университеттегі білім алуы, Қазақ КСР Ғылым академиясының Әдебиет және өнер институтындағы қызметі, кандидаттық диссертациясын қорғауы және алғашқы әдеби еңбектері жайында мағлұмат берілді. Бағдарлама барысында: «Мұхтар Мағауин тарихта із қалдырған жазушы» және «Жазушы Мұхтар Мағауинді еске алу кеші» бейнероликтер көрсетілді; «Жазушының әйгілі кітаптары» шолу өткізілді; Мағауиннің «Көктемгі қар» кітабынан аудиоүзінді тыңдалды; «Мұхтар Мағауин туралы не білесің?» викторина ұйымдастырылды; — «Жазушы әлемі» кітап көрмесімен танысу мүмкіндігі ұсынылды. Бұл әдеби кеш оқушыларға Мұхтар Мағауиннің шығармашылығы мен өмірі туралы терең мағлұмат беріп, оның қазақ әдебиетіндегі баға жетпес орнын сезінуге мүмкіндік жасады.
